ADY-də Azərbaycansayağı inkişaf - Bir tərəfdə ixtisarlar, digər tərəfdə villalar, bahalı maşınlar...

ADY-də Azərbaycansayağı inkişaf - Bir tərəfdə ixtisarlar, digər tərəfdə villalar, bahalı maşınlar... 

Son zamanlar ADY sədri Cavid Qurbanov tərəfindən 120 nəfərin əsasız olaraq işdən çlxarması və onlarla ailəni çörəksiz qoyması sosial şəbəkələrdə ciddi müzakirələrə və etirazlara səbəb olub.

Məsələ ilə bağlı AzFakt.com-a müraciət edən bir neçə zərərçəkən vətəndaş bildirir ki, Cavid Qurbanov 350-400 manat maaaş alan insanları işdən çıxararaq, onların ailələrini quru çörəyə möhtac qoyduğu halda, ADY sədrinin ətrafında olanların hamısı qeyri-rəsmi olaraq milyoner olublar və komfortlu həyat şəraitində yaşayırlar.

Misal üçün şikayətçilərdən biri AzFakt.com-a bildirib ki, son bir neçə ildə Cavid Qurbanovun ətrafında parlayıb milyonçu olanlardan biri Vəsilə Abdulovadır. ADY-də sadə maliyyəçi işində çalışan Vəsilə xanım Cavid Qurbanovun yaxın əhatəsinə daxil olandan sonra 2-3 il müddətində villa, təmtəraqlı bağ evlərinin sahibinə çevrilib.

Qeyd edək ki, son bir neçə ildir ki, Vəsilə Abdulova haqqında dövrü mətbuatda bir çox məlumatlar dərc olunub. Bu məlumatlarda sözü keçən xanımın Cavid Qurbanovun şəxsi maliyyəçisi kimi ADY-də "kilid" adamlardan biri olduğu, Qurbanovun bütün rəsmi və qeyri-rəsmi maliyyə işlərini yürütdüyü bildirilir. Bu üzdən də Vəsilə Abdulovanın ADY-də sözünün üstünə söz demək olmur.

Cavid Qurbanovun bir çox məsələlərdə Vəsilə Abdulova ilə məsləhətləşdiyi qeyd olunur. Bildirilir ki, bir zamanlar böyük səs-küyə səbəb olan Cavid Qurbanovun ad günü "projesi"də Vəsilə Abdulova tərəfindən tərtib edilib və bununla da maliyyəçi xanım daha çox Cavid Qurbanovun gözünə girə bilib.

Hazırda isə Vəsilə Abdulovanın pulu başından aşır və 5 il əvvəl Əhmədlidə kirayədə yaşayan xanım maliyyəçi indi Bakının mərkəzində lüks mənzillərə, villalara sahibdir.

AzFakt.com-a verilən məlumatda bildirilir ki, bir müddət əvvəl Vəsilə xanım özünə daha bahalı lüks avtomobil alıb. Son model Mercedes GLE markalı həmin avtomobilin qiymətinin 150 min manat dəyərində olduğu bildirilir. Bakı şəhərində fəaliyyət göstərən avtosalonlarda Mercedes GLE avtomobilinin ən ucuz qiyməti 78 min dollardan başlayır.

Bir daha xatırladaq ADY-də qtisadi problemlər səbəbindən bu günlərdə 120 adam ixtisar olub və onlarla ailənin çörək gələn yeri kəsilib. Amma bütün bu problemlər Vəsilə xanımın maliyyə durumunda heç bir dəyişiklik yaratmayıb. Azərbaycansayağı inkişaf isə buna deyirlər. 


Birinci məlumatlanmaq üçün facebook səhifəmizi