"Aqroservis" ASC-nin regional bölmələrində yoxlamalar aparılır- Barəsində cinayət işi açılan var
Kənd Təsərrüfatı Nazirliyinin tabeliyində olan "Aqroservis" Açıq Səhmdar Cəmiyyətinin regional bölmələrində yoxlamalar aparılır.
Qaynarinfo.az-ın əldə etdiyi məlumata görə, "Aqroservis" ASC-nin Cəlilabad regional nümayəndəliyində və digər bölmələrdə aparılan yoxlamalar nəticəsində ciddi pozuntular aşkarlanıb.
Pozuntular Lənkəran-Lerik-Astara rayon bölməsində də aşkar edilib. Kənd təsərrüfatı naziri Məcnun Məmmədovun müvafiq əmri ilə "Aqroservis" ASC-nin Lənkəran-Lerik-Astara rayon bölməsinin direktoru Rahim Rzayev vəzifəsindən azad edilib.
Rahim Rzayev bir müddət əvvəl saxlanılaraq barəsində cinayət işi açılıb və həbs edilib.
"Aqroservis" ASC-nin Lənkəran-Lerik-Astara rayon bölməsinin direktoru vəzifəsinə Zaur Muradov Ağaşirin oğlu təyin olunub.
Faktinfo.az-a verilən məlumatda isə bildirilir ki, "Aqroservis" ASC-nin rayon bölmələrində aparılan yoxlamalar qrumun sədri və müavininin,eləcə də orada bir sıra şöbə rəislərinin vəzifələrindən azad olunmalarından sonra başlayıb.Məlumatda o da qeyd olunur ki,aparılan yoxlamalar "Aqroservis" ASC-nin bütün rayon bölmələrini əhatə edəcək.
Qeyd edək ki, hazırda "Aqroservis" ASC-nin sədri Mehman Veysəlovdur.
Bu xəbər üçün şərh yazın