Çeçenistan prezidenti Stalini lənətlədi:"Bizi hər şeydən məhrum etdi..."
Çeçenistan rəhbəri Ramzan Kadırov İosif Stalini “qanlı zalım” adlandırıb və lənətləyib.
Bunu R.Kadırov “Telegram” hesabında 23 fevral 1944-cü ildə çeçenlərin kütləvi sürgün olunmasının ildönümü münasibəti ilə yazıb.
Çeçenistan rəhbəri yazıb ki, çeçen xalqının tarixində çoxlu faciəvi hadisələr olsa da, bunlardan heç biri zalım Stalinin repressiyaları ilə müqayisə oluna bilməz: “23 fevral 1944-cü ildə bizi hər şeydən məhrum etdilər. Bizi mal-qara vaqonlarına yığıb, Altay dağlarına, Qazaxıstan çöllərinə atdılar, qurğuşun, sink və uran mədənlərinə saldılar”.
Qeyd edək ki, bəzi məlumatlara görə, 1944-cü ilin fevralında yarım milyona yaxın çeçen və inquş sürgün olunmuşdu
Birinci məlumatlanmaq üçün facebook səhifəmizi
Bu xəbər üçün şərh yazın