Füzuli rayonunda "27 sentyabr - Anım günü" qeyd edilib- - FOTOLAR
2020-ci il Azərbaycan xalqının uzunəsrlik tarixinə qızıl hərflərlə yazıldı. Otuz ilə yaxın müddətdə işğal altında olan torpaqlarımız Prezident, Müzəffər Ali Baş Komandan İlham Əliyevin rəhbərliyi ilə şanlı Ordumuzun şücaəti sayəsində azad edildi.
Haqq və ədalət uğrunda 44 günlük Vətən müharibəsi möhtəşəm Zəfərimizlə nəticələndi. Tariximizin əbədi qəhrəmanlıq salnaməsi olan bu Zəfər yüzlərlə şəhidimizin qanı ilə yazıldı.
Faktinfo.az xəbər verir ki, 27 sentyabr - Anım Günü ilə əlaqədar olaraq Füzuli rayonunda da tədbir təşkil olunub. Tədbirdə Füzuli rayon İcra Hakimiyyətinin başçısı Alı Alıyev, 84 saylı Füzuli seçki dairəsindən Milli Məclisə deputat seçilmiş Vüqar Bayramov, hüquq-mühafizə orqanlarının rəhbərləri, N saylı hərbi hissənin şəxsi heyyəti, şəhid ailələri, qazilər və rayon ictimaiyyəti iştirak edib.
Tədbirdə Şəhid valideynləri, qazilər və rayon rəsmiləri çıxış edərək 44 günlük zəfər savaşından söhbət açıblar. Şəhidlərin ruhu bir dəqiqəlik sükutla yad edilib.
Torpaqlarımızın azadlığı uğrunda canından keçən şəhidlərimizin adına ucaldılmış Şəhidlər Abidə Kompleksi ziyarət olunub, şəhidlərin ruhuna dualar oxunub, gül dəstələri düzülüb.
Sonda Şəhid ailələri və qazilər göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-Prezident Mehriban xanım Əliyevaya öz dərin minnətdarlıqlarını bildiriblər.
Bu xəbər üçün şərh yazın