İran danışıqlara getmir - Bu ölkələrə nümayəndə heyəti göndərməyəcək 

İran ABŞ ilə danışıqlar aparmaq üçün Pakistana və ya Qətərə nümayəndə heyəti göndərmək niyyətində deyil.

Bu barədə İranın Ali Milli Təhlükəsizlik Şurasına yaxın xəbər agentliyi olan “Nour News” İran rəsmilərindən birinə istinadla məlumat yayıb.

Rəsmi şəxs Cenevrə, Doha və ya İslamabadda ABŞ-İran danışıqlarının bərpası ilə bağlı məlumatları təkzib edib. O deyib ki, ABŞ Maliyyə Nazirliyinin son hərəkətləri İran və Oman arasında nisbətən uğurlu danışıqları çətinləşdirib.