"Media sahəsində nəzərdə tutulan cərimələr çoxdur" - Qüdrət Həsənquliyev
"Son vaxtlar gözümüzü yumub cərimələri ya Allah deyib, 1500, 2000, 4000 manat yazırıq. Bunun bir elmi araşdırması yoxdur".
Bunu Milli Məclisin Hüquq siyasəti və dövlət quruculuğu komitəsinin bu gün keçirilən iclasında komitə sədrinin müavini, deputat Qüdrət Həsənquliyev deyib.
"Media sahəsində nəzərdə tutulan cərimələr çoxdur. Önəmli olan şəxsin tənbeh olunmasıdır. Ümumiyyətlə, aydınlaşdırılmalıdır ki, mediada vəzifəli şəxsin orta aylıq əməkhaqqı nə qədərdir ki, o, 3500 manat cəriməni ödəyə bilsin?! Reytinqi ölçməməyə görə 1500 cərimə nə deməkdir? Bu cərimə çoxdur. Məncə, buna görə xəbərdarlıq da yetərlidir. Əvvəl belə olubsa, bunu indi belə qəbul etməməliyik. Bir çox hallarda biz sadəcə, cərimələri artıra-artıra gedirik"./unikal.org
Birinci məlumatlanmaq üçün facebook səhifəmizi
Bu xəbər üçün şərh yazın