Mirkamil Seyidova ”Meliorasiya və Su Təsərrüfatı” ASC-də nəyin müqabilində vəzifə verilib? - İLGİNC

Mirkamil Seyidova ”Meliorasiya və Su Təsərrüfatı” ASC-də nəyin müqabilində vəzifə verilib? - İLGİNC 

Məlum olduğu kimi,”Meliorasiya və Su Təsərrüfatı” Açıq Səhmdar Cəmiyyətinə bbütün rayonlarda əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, meliorasiya və irriqasiya işlərinin aparılması məqsədi ilə hər il dövlət büdcəsindən milyonlarla manat vəsaitlər ayrılır.

 Bundan əlavə Prezidentin ehtiyyat fondunda da il ərzində bu sahənin inkişaf etdirilməsi üçün də vəsaitlər ayrılır. Bəs ayrılan bu qədər vəsaitlərin müqabilində kəndlərdə vətəndaşlar suvarma suyunun yoxluğundan nə üçün əziyyət çəkirlər? Çünki, “Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə və onun talançı komandası ayrılan dövlət vəsaitlərindən qazanc əldə etmək üçün keyfiyyətsiz işlər görürlər.

Aktualinfo.org-un apardığı araşdırmalarda “Meliorasiya və Su Təsərrüfatı” ASC-nin Tikilməkdə olan Meliorasiya və İrriqasiya Obyektlərinin Birləşmiş Müdiriyyəti tərəfindən elan olunmuş tenderlər barədə artıq məlumatlar vermişik. Tendrlərin Əhməd Əhmədzadəyə yaxın şirkətlərə verildiyi barədə də yazmışdıq.Səhmdar cəmiyyətə tabeli sözügedən qurumun ötən il elan etdiyi onlarlla tenderin birini də qalibi “MELİORASİYA SU TİKİNTİ” Məhdud Məsuliyyətli Cəmiyyəti olmuşdur. Sözügedən MMC kimə məxsusdur və qalibi olduğu tender yolu ilə harada və nə kimi işlər görüb?

Əhalisi 736 min nəfərə yaxın olan 41 şəhər və rayonun 254 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, yeni suvarılacaq torpaqların suvarma suyuna, habelə əhalinin içməli suya tələbatının ödənilməsi üzrə 07.05.2019-cu ildə keçirilmiş tenderin qalibi “MELİORASİYA SU TİKİNTİ” Məhdud Məsuliyyətli Cəmiyyət olub və 720997.45 manat dəyərində müqavilə bağlanıb.Müqavilədə sözügedən MMC-nin harada nə kimi işlərin görməsi barədə məlumatların yerləşdirilməməsi də şübhəli məqamlar olduğunu göstərir.

Kommersiya qurumunun hüquqi şəxslərin dövlət reyestrinə daxil edilmiş məlumatlarına görə “MELİORASİYA SU TİKİNTİ” MMC Sumqayıt şəhəri 2 saylı Ərazi Vergilər Baş İdarəsində 15.04 2019 cu ildə dövlət qeydiyyatına alınmışdır.Nizamnamə kapitalı 10 manat olan MMC-nin hüquqi ünvanı Sumqayıt şəhəri məhəllə 5, ev 21/3, m. 3, qanuni təmsilçisi Seyidov Mirkamil Miriş oğludur.

Qeyd edək ki, 07.05.2019-cu ildə,yəni tenderin keçirilməsindən bir ay əvvəl yaradılmış MMC -nin tenderdə iştirakı qanunazidd haldır. Digər tərəfdən qanuni təmsilçisi,yəni sahibi Mirkamil Seyidovun vaxtı ilə “Azərsu” ASC-də məsul vəzifələrdən birini tutduğunu,”Meliorasiya və Su Təsərrüfatı” ASC-nin sədri Əhməd Əhmədzadə ilə çox yaxın münasibətləri olduğunu bəlkə də çox adam bilmir. Mirkamil Seyidov “Azərsu”ASC-də vəzifəsini itirdikdən sonra Əhməd Əhmədzadə dostuna qapılarını açmalı olub. Əvvəlcə nizamnamə kapitalı 10 manat olan MMC vasitəsi ilə Mirkamil Seyidova iş verib. Daha sonra isə dostunu Qobustan Qış Otlaqlarının Su Təminatı Sistemlərinin İstismarı İdarəsinin müdiri vəzifəsinə gətirib.Maraqlıdır Əhməd Əhmədzadə ötən il podratçısı olan Mirkamil Seyidova bu vəzifəni nəyin müqabilində,hansı xidmətlərinə görə verib?

Faktinfo.az

Birinci məlumatlanmaq üçün facebook səhifəmizi

 Digər xəbərlərBütün xəbərlər

Bütün xəbərlər