Rayon camaatını təhqir etdi -

Rayon camaatını təhqir etdi - Özü də qrammatik səhvə yol verdi

Bakı Metropoliteninin marketinq şöbəsinin rəhbəri Lalə Babayeva rayon camaatını təhqir edib.

Faktinfo.az BakuPost-a istinadən  xəbər verir ki, o, sosial şəbəkədə "pik” saatlarda qatarların hərəkət intervalının azaldılmasından şikayət edən Zakir Əlizadənin statusuna kəskin cavab yazıb. Belə ki, şikayətçinin səhvə yol verərək "ças pik” ("час пик”) əvəzinə "çastpik” yazmasına ironiya ilə yanaşan L. Babayeva cavabı ilə etirazlara səbəb olub.  

Bakı Metropoliteninin təmsilçisi Lalə Babayevanın statusa cavabı: ""Çastpik” yazanlar öz kəndində qalsaydı, belə problem yaranmazdır”. (Hərçənd ki, Lalə Babayeva özü də cümləsində qrammatik səhvə yol verib və "yaranmazdı” yerinə  "yaranmazdır” yazıb).

Sosial şəbəkə istifadəçiləri onun bu cavabının kənd adamlarına təhqir olduğunu yazıb və #hamimizkendchiyik heşteqi altında kampaniya başladıb.

İctimai fəal Bəxtiyar Hacıyev isə L. Babayeva ilə bağlı maraqlı fakt açıqlayıb. O, metropolitendə şöbə rəhbəri olan xanımın "Bakı Metropoliteni” QSC-nin keçmiş sədr müavini Zaur Babayevin qızı olduğunu yazıb.

Məlumat üçün bildirək ki, Zaur Babayev əvvəllər "Bakelektrikşəbəkə”də işləyib, 2014-cü ildə "Bakı Metropoliteni” QSC-yə sədr müavini təyin olunub. Bir il sonra isə bu vəzifədən çıxarılıb.

Birinci məlumatlanmaq üçün facebook səhifəmizi

 Digər xəbərlərBütün xəbərlər

Bütün xəbərlər