Ronaldo Raulu geridə qoydu

Ronaldo Raulu geridə qoydu 

UEFA Çempionlar Liqasının qrup mərhələsinin III turunda “Real” “Tottenhem”lə qarşılaşıb.

Axar.az-ın məlumatına görə, 1:1 başa çatan oyun Kristiano Ronaldo üçün əlamətdar olub.

Portuqaliyalı ulduz bu matçla birlikdə qitənin ən nüfuzlu klub turnirində 143-cü dəfə forma geyinib. Bu göstərici ilə “Real”ın əfsanəsi Raulu arxada qoyan Ronaldo ÇL-də ən çox oyun keçirən futbolçuların sıralamasında 3-cü pilləyə yüksəlib.

Sözügedən siyahıya İker Kasillas başçılıq edir. “Kral klubu”nun daha bir əfsanəsi olan “çərçivə qoruyucusu” 166 dəfə ÇL oyunlarında meydana çıxıb.

Onu Xavi Hernandez izləyir. Keçmiş “Barselona”lının göstəricisi 151-ə bərabərdi. “İlk beşliy”i isə Raul Qonzales (142) və Rayan Giqz (141) tamamlayır.

Birinci məlumatlanmaq üçün facebook səhifəmizi