Roza Əliqızı:"Əsir və girovlarımız azad olunmalıdır" -Hərbi jurnalist Türkiyədə bir sıra görüşlər keçirib
Əsgər Ailəsi Cəmiyyətinin sədri, hərbi jurnalist Roza Əliqızı Türkiyədə əsir, itgin və girov düşmüş soydaşlarımızın acınacaqlı taleyi ilə bağlı Türkiyədə bir sıra görüşlər keçirmiş, Türkiyə Mətbuatına müraciət edərək Dünya Dövlətlərinə verəcək bəyanata görə ona dəstək vermələrini xahiş etmişdir..
Faktinfo.az xəbər verir ki, "Akad Xəbər Ajans", "Anadolu Başın Yayım Birliyi "" , "Türkiyə yazarlar Birliyi" "İhlans ajans xəbər", Doğan Xəbər Ajans və İzmir Qəzet Platfortun rəhbərləri ilə görüş zamanı onlar Roza Əliqızına dəstək olduqlarını bəyan ediblər. Əlavə olaraq Roza Əliqızı Türkiyə qazilər və şəhid ailələri dərnəyində də görüşlər keçirib, düşmən girovluğunda olan əsir soydaşlarımızın taleyi və onlara verilən işgəncələr barədə məlumat verib.
Hərbi jurnalist Türkiyə Təhsil Nazirliyində də olub.O, məktəblərdə Qarabağ gerçəklikləri ilə bağlı görüşlər keçirmək, məktəblilərə Qarabağ gerçəkliklərini anlatmaq və konfranslar keçirmək üçün ona şərait yaradılmasını xahiş edib və buna razılıq alıb.Məktəblərdə görüşlərin keçirilməsində isə Yazarlar birliyi və Akad xəbər ajansı ona dəstək olacaqlarına əminlik ifadə ediblər. Hətta ilk görüş Qarabağlar Katib Çələbi məktəbində təşkil də olunub.
Qeyd edək ki, Əsgər Ailəsi Cəmiyyəti həyata keçirdiyi bu tədbirləri Azərbaycan Respublikası Prezidenti yanında QHT Dövlət Dəstəyi Şurasının xətti ilə həyata keçirir.
Bu xəbər üçün şərh yazın