Baba Rzayevə çağırış - Mingəcevir İES-də baş verənlərdən nəticə çıxarılmalıdır

Bu fikirlər Faktinfo.az-ın elektron poçtuna göndərilən məktubdandır. Məktub müəllifi Vüqar Həsənov iddia edir ki, bənzər təhlükə "Azərişıq" ASC- ni də gözləyir.Səbəb kimi Baba Rzayevin Bakı və regionlarda  kadr seçimini düzgün aparmaması göstərilir. Belə ki, polis,zootexnik,baytar,müəllim,həkim və s. ixtisas sahibləri asanlıqla "Azərişıq" ASC-yə işə düzələ bilir. Yetər ki,rəhbərlikdə tanışı və kifayət qədər pulu olsun .

Misal kimi Toğrul Rəhimovun adı çəkilir,onun  polis kimi təqaüdə çıxdıqdan sonra  "Azərişıq" ASC-də iri addımlarla əvvəl Sabunçu rayon şöbəsinə rəis,sonra isə İnkişaf və İnvestisiya Departamentinin direktoru vəzifəsinə qədər yüksəlməsi,bu sistemdə onlarla şəxsin himayəçisinə çevrilməsi faktı da diqqətə çatdırılır.

"Azərişıq" ASC-də kiçik bir araşdırma aparmaq kifayətdir ki, deyilənlər öz təsdiqini tapsın,energetkaya aidiyyatı olmayan vəzifəli şəxslərin kimliyi üzə çıxsın ,onları kimlərin himayə etdiyi aşkarlansın. Əgər belə davam edərsə,gec-tez "Azərişıq" ASC-də də hansısa formada "partlayış"ın baş verməsi qaçılmaz olacaq- deyə məktub müəllifi bildirir. 

Hətta o da vurğulanır ki, aparılan səmimi bir obyektiv araşdırma Regional Elektrik Təchizatı və Satışı İdarəsi (RETSİ) rəis və müavinlərini kimlərin himayə etməsini  üzə çıxarar. Üstəlik də "Azərişıq" ASC-nin Baba Rzayev tərəfindən dostluğa,qohumluğa və tanışlığa necə qurban verilməsi müəyyən edilə bilər.

Digər bir məktub müəllifi isə "Azərişıq" ASC-nin gəlirlərinin havaya sovrulmasından söz açır.Məlumata görə, Baba Rzayevin qardaşı Rahil Rzayev  elektirik avadanlıqlarının xaricdən gətirilməsi və sonradan müxtəlif MMC-lərin xətti ilə  "Azərişıq" ASC-yə satılması  əməliyyatında iştirak edir.

Mövzuya qayıdacağıq...

Faktinfo.az