Məhkəmə Səhər Orucovanın xeyrinə qərar çıxarıb
Filologiya üzrə elmlər doktoru,professor Səhər Orucova Elm və Ali Təhsil üzrə Dövlət Agentliyinin direktoru tərəfindən işdən çıxardılmasını qanunsuz hesab edib,məhkəməyə üz tutub.
Faktinfo.az-ın əldə etdiyi məlumata görə,məhkəmə zamanı müəyyən olunub ki,Səhər Orucova bülletendə olduğu tarixdə işdən çıxardılıb.Bunu əsas götürən hakim Səhər Orucovanın xeyrinə qərar çıxarıb.Beləliklə,Bakı Dövlət Universitetinin nəzdində İqtisadiyyat və Humanitar Kollecinin bir müddət əvvəl işdən çıxardılmış direktoru birinci məhkəmə prosesini udub.
Qeyd edək ki,bir müddət əvvəl Xırdalan şəhərində yerləşən Bakı Dövlət Universitetinin nəzdində İqtisadiyyat və Humanitar Kollecində bir sıra yeni rəhbər təyinatlar həyata keçirilib.Hicran Əyyubova kollecə 3 aylıq müvəqqəti direktor, Gülnar Kərimova tədris işləri üzrə direktor müavini, Firuzə Fərmanlı isə tərbiyə işləri üzrə direktor müavini vəzifəsinə təyin olunublar.
Onu da xatırladaq ki, Hicran Əyyubova 2024-cü ilin mayında Tovuz Dövlət Sosial-İqtisadi Kollecinə direktor təyin olunub və son təyinatadək həmin vəzifəni icra edib.Həmin müddət ərzində Hicran Əyyubova tərəfindən işdən çıxardılmış müəllimlərdən bir neçəsi məhkəməyə üz tutub,onlardan ikisi haqqında məhkəmə işə bərpa qərarı çıxardıb,hazırda müəllimlərin işlərinə bərpa olunmaları üçün prosesin rayon icra və probasiya şöbəsinə yönləndirildiyi bildirilir.
Faktinfo.az
Bu xəbər üçün şərh yazın