Nizami rayon sakinləri Birinci vitseprezident Mehriban Əliyevadan kömək istədilər
Nizami rayonu Şirin Mirzəyev 70 və 72 binanın bir qrup sakininin imzası ilə Azərbaycan Respublikasının Birinci vitse prezidenti Mehriban Əliyevaya müraciət ünvanlanıb. Faktinfo.az xəbər verir ki,ölkənin birinci xanımına ünvanlanan müraciətdə deyilir:
Hörmətli Mehriban Xanım!
Biz Nizami rayonu, Şirin Mirzəyev 70 və 72-ci binanın sakinləri yazıb bildiririk ki, yaşadığımız ərazidə bütün binaların zirzəmisində möhkəmləndirmə işləri aparılıb, binalar təmir olunub, bloklara təzə qapılar qoyulub, ağaclar daranıb, oturacaqlar yenilənib, həyətlərə asfalt örtük vurulub, işıqlandırma sistemləri quraşdırılıb. Amma bu görülən işlər yaşadığımız Şirin Mirzəyev 70 və 72 binasına tətbiq edilməyib. Binanın dörd bir tərəfi abadlaşdırılıb, yaşadığımız binanın sakinlərinə ögey münasibət bəslənilib.
Hörmətli Mehriban xanım!
Qardaş Türkiyə Respublikasında baş vermiş zəlzələyə həssas münasibətiniz, humanizm dəyərlərini yaşadan bir Azərbaycan xanımı kimi dünya xalqlarına nümunə göstərildi,təqdir edildi, beynəlxalq ictimaiət sizin timsalınızda Azərbaycan qadınına bir daha dəyər verdi. Buna görə sizə təşəkkür edirik!
Və inanırıq, yaşadığımız Şirin Mirzəyev 70 və 72 binasının təməlində möhkəmləndirmə işlərinin aparılması nəzərə alınmaqla, yuxarıda sadaladığımız məsələlərin diqqətdə saxlanılması üçün göstəriş verəcəksiniz.
Əvvəlcədən sizə öz təşəkkürümüzü bildiririk!
İmzamızla fikirlərimizi təsdiq edirik:
Bu xəbər üçün şərh yazın