"Ukrayna heç vaxt Rusiya üçün qələbə olmayacaq" - Bayden
"Prezident Putin bu gün bir il əvvəl mümkün olmadığını düşündüyü bir şeylə üzləşib.
Dünyanın demokratik dövlətləri daha da gücləndi, zəifləmədi, lakin dünyanın avtokratları daha da zəiflədilər, güclənmədilər. Avtokratın iştahını təmin etmək olmaz. Onlara qarşı çıxmaq lazımdır. Avtokratlar yalnız bir sözü başa düşürlər: yox, yox, yox".
Bu sözləri Polşanın paytaxtı Varşavada çıxış edən ABŞ prezidenti Co Bayden deyib.
Bayden Ukraynaya göstərilən dəstəkdən də danışdı: "Bu müharibə heç vaxt zərurət olmayıb. Bu faciədir. Prezident Putin bu müharibəni seçib. Müharibə davam edən hər gün onun seçimidir. Şübhə olmamalıdır. Ukraynaya dəstəyimiz sarsılmayacaq. NATO parçalanmayacaq. Biz də yorulmayacağıq. İmperatorluğu yenidən qurmaq fikrində olan diktator heç vaxt xalqın azadlıq sevgisini azalda bilməyəcək, vəhşilik azad olanların iradəsini heç vaxt əzməyəcək. Ukrayna heç vaxt Rusiya üçün qələbə olmayacaq - heç vaxt".
Bu xəbər üçün şərh yazın