Yaşıllaşdırma Təsərrüfatı Birliyi bioloji inkişafda olan 9 şam ağacını kəsdi- Protokol tərtib edilməklə kifayətlənildi
Bakı şəhər Yaşıllaşdırma Təsərrüfatı Birliyi şam ağaclarını kəsdiyinə görə cərimələnib.
Faktinfo.az xəbər verir ki,bu barədə Report.az-a Dövlət Ekoloji Təhlükəsizlik Xidmətinin rəsmisi Bəhruz Məhəmmədov məlumat verib.
O, Yasamal rayonu, Mikayıl Müşfiq küçəsi, 78 və 90-92 nömrəli yaşayış binasının arxa hissəsində ağacların kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayətin araşdırıldığını bildirib:
"Əraziyə keçirilən baxış zamanı ümumilikdə 13 şam ağacının kəsildiyi, kəsilmiş ağaclardan 9-nun bioloji inkişafda, 4-nün isə quru olduğu müəyyən olunub. Araşdırma zamanı ağacların Bakı şəhər Yaşıllaşdırma Təsərrüfatı Birliyi tərəfindən kəsildiyi məlum olub. Faktla bağlı akt, protokol tərtib edilib".
Faktinfo.az xatırladır ki,yaşıllıqların qorunmasını,budanmasını,suvarılmasını BŞİH-nin Yaşıllaşdırma Təsərrüfatı Birliyi həyata keçirir.O cümlədən ağacların kəsilməməsinə bu təşkilat nəzarət edir.Belə məlum olur ki,şam ağaclarını ilk əvvəl Bakı şəhər Yaşıllaşdırma Təsərrüfatı Birliyinin özündən qorumaq gərəkdir.Niyə? O səbəbdən ki,əvvəllər şəhərdə kim özünə bir obyekt yeri etməkdə şam ağaclarını maneə bilirdisə kəsirdi,indi buna bir o qədər ehtiyac duyulmur.Çünkü...hər halda,Yaşıllaşdırma Təsərrüfatı Birliyinin bioloji inkişafda olan 9 şam ağacını kəsməsindən müəyyənləşir.
Faktinfo.az
Bu xəbər üçün şərh yazın