Bakıda orta məktəbin ayaqyoluna kamera quraşdırılıb –Müavindən qəribə izahat
Bakıda orta məktəbin ayaqyoluna kamera quraşdırılıb.
Bununla bağlı videogörüntünü şagirdlərdən biri çəkərək “Xəzər Xəbər”in votsap nömrəsinə göndərib.
Araşdırma zamanı məlum olub ki, kadrlar Bakıda, Sabunçu rayonu Firuz Bayramov adına 22 nömrəli tam orta məktəbdə çəkilib.
Görüntülərdən aydın olur ki, məktəbdə ayaqyolu kabinələrinin də qapıları yoxdur.
Direktor müavini Novruz İsmayılov bildirib ki, həmin kamera oğlanlar üçün nəzərdə tutulan sanitar qovşağa quraşdırılıb: “Ancaq həmin kamera heç vaxt işlək vəziyyətdə olmayıb. İşləməyən kameranın ayaqyoluna quraşdırılmasının səbəbinə gəldikdə isə, Novruz İsmayılov bildirdi ki, yuxarı siniflərdən bəzi şagirdlər orada siqaret çəkiblər. Şagirdləri bu vərdişdən yayındırmaq üçün bu üsulu seçiblər. Sonradan kamera çıxarılıb. Şagirdlərin ayaqyolunda çəkdikləri elektron siqaret və qəlyanlar isə onlardan alınıb”.
Norvur İsmayılov bildirib ki, həmin kamera quraşdırıldıqdan sonra ayaqyolunda heç kim siqaret çəkməyib. Sanitar qovşaqda kabinələrin qapısının olmaması məsələsinə gəldikdə isə, direktor müavini bildirildi ki, məktəb tikilən vaxtı orada qapı nəzərdə tutulmayıb.
Novruz İsmayılov deyib ki, qısa zamanda ayaqyolu kabinələrinə qapılar qoyulacaq.
Bu xəbər üçün şərh yazın