Bayramda şam yandırdılar, ev yandı

Bayramda şam yandırdılar, ev yandı 

Biləsuvar rayonunda fərdi yaşayış evində yanğın baş verib.

Report.az-ın Muğan bürosunun məlumatına görə, hadisə bu gecə Xırmandalı kəndində qeydə alınıb.


Belə ki, həmin kəndin sakini Niyaz Əsədova məxsus birmərtəbəli evdə yanğın olub. Hadisə yerinə Biləsuvar rayon yanğından mühafizə hissəsinin texnika və canlı qüvvələri cəlb edilərək alov söndürülüb. 


Nəticədə, ümumi sahəsi 130 kvadratmetr olan birmərtəbəli, üçotaqlı evin iki otağının yanar kosntruksiyaları 60 kvadratmetr sahədə yanıb. Evin qalan hissəsi yanğından mühafizə olunub. Yanğın nəticəsində xəsarət alan olmayıb.


Məlumata görə, ev bayram şamının aşması nəticəsində yanıb.


Faktla bağlı araşdırma aparılır.

Birinci məlumatlanmaq üçün facebook səhifəmizi