Deputat: "Elə parklama yeri var ki, bir-iki saatı 5 manatdır, bunu kim müəyyən edib? Böyük bir qrup, mafiya var" 

 Digər tərəfdən, nə qədər ləğv edirsən, et, müəyyən qruplar var ki, buradan pul götürürlər. Bu pul büdcəyə də ödənmir. Hətta büdcəyə ödənmiş olsa belə, yenə də bu məsələdə qayda-qanun yaratmaq çətindir. Xarici ölkələrdə bu məsələ ilə bələdiyyə institutu məşğul olur və problemi həll edir. Biz isə məqsədyönlü şəkildə bələdiyyəni ölü vəziyyətdə saxlayırıq ki, bu kimi problemlər qeyri-rəsmi şəkildə vəsaitin mənimsənilməsinə imkan yaratsın”.

Bu sözləri Pravda.az-a açıqlamasında Milli Məclisin deputatı Fazil Mustafa deyib.

“Əslində çox sadə həlli yolları var, amma buna maraq olmalıdır. Vətəndaşın özü üçün də parklanma yerləri bahalıdır. Heç olmasa avtomobilini yolun kənarında saxlayanlardan az vəsait alınır, ona görə də yol kənarında saxlamağa meyil edirlər. Parklanma yerlərində də qiymətlər aşağı olmalıdır. Elə yer var ki, orada avtomobili bir-iki saat saxlayırsan, 5 manat edir. Niyə? Bunu kim müəyyən edib? Biabırçılıqdır, qarşısını almaq olmur. Çünki burada böyük bir qrup, mafiya var. Arxada öz işlərini görürlər və məsələyə qarışmaq mümkün olmur”, - deputat bildirib.