Ekologiya və Təbii Sərvətlər Nazirliyi Nizami və Xətai rayonlarında monitorinq keçirəcək

Ekologiya və Təbii Sərvətlər Nazirliyi Nizami və Xətai rayonlarında monitorinq keçirəcək

Ekologiya və Təbii Sərvətlər Nazirliyi Bakının Nizami və Xətai rayonlarında manitorinq təşkil edəcək.Reyd xarakterli bu tədbirin həyata keçirilməsində məqsəd qiymətli eldar şamı, qovaq və digər ağacların hər iki rayonun ərazilərində qırılmasını müəyyənləşdirməkdir.

Faktinfo.az –a  ETSN-dən adının çəkilməməsini istəyən əməkdaşının verdiyi  məlumata görə böyük ehtimalla Nizami rayonu Qara Qarayev  və Xətai rayonu Məhəmməd Hadi prospektləri boyunca yolun hər iki istiqamətində ərazilərə qarış-qarış baxış keçiriləcək. Bununla yol qırağı tikilən obyektlərin yaşıllıqlara ziyan vurub, vurmaması araşdırılacaqdır.

Onu da bildirək ki, verilən məlumat təsdiqini taparsa  hər iki rayonun  qeyd olunan  prospektlərində  qanunsuz ağacların qırılması faktı çox böyük ehtimal aşkarlanacaqdır.

 Xatırladaq ki, bu günə kimi yaşıllıqların məhv edilməsi,qiymətli ağacların qırılması səbəbi ilə onlarla fiziki və hüquqi şəxsə Azərbaycan Respublikası Baş Prokurorluğu tərəfindən cinayət işi  açılıb.