Füzuli rayon rəhbərliyi bayram günlərində vətəndaşlarla görüşüb, problemərini dinləyib - FOTOLAR
Füzuli rayon İcra Hakimiyyətinin başçısı Alı Alıyev ilə birgə Rayon Polis Şpbəsinin rəisi, DTX-nin rayon şöbəsinin rəisi və Rayon Prokuroru bayram günlərində Zobucuq (1,2,3,4,5) qəsəbələrində və Bala Bəhmənli kəndində (Dörd yol adlanan ərazidə) olmuşlar, vətəndaşlarla görüşmüş, bazarlarda, topdan satış mərkəzlərində ərzaq məhsullarının qiymətləri ilə maraqlanmış, alıcı və satıcılarla söhbət etmişdirlər.
Faktinfo.az xəbər verir ki, Alı Alıyev vətəndaşları dinləmiş onların problem və qayğıları ilə maraqlanmışdır. Rayon sakinləri də öz növbəsində bazarlarda qiymətlərin münasib olduğunu, hər hansı bir süni qiymət artımının olmadığını bildiriblər.
Alı Alıyev, Prezident İlham Əliyev tərəfindən əhalinin sosial müdafiəsinin yaxşılaşdırılması sahəsində imzalanan fərman və sərəncamlardan bəhs edib. Bildirib ki, ölkəmizdə həyata keçirilən sosial-iqtisadi siyasətin təməlində Azərbaycan vətəndaşı, onun rifah halının yaxşılaşdırılması dayanır. Qeyd edib ki, bu ilin əvvəlində ölkə başçısı tərəfindən imzalanan fərman və sərəncamlar, sosial-iqtisadi sahədə aparılan islahatlar Prezident İlham Əliyevin əhalinin sosial vəziyyətinin yaxşılaşdırılması istiqamətində həyata keçirdiyi tədbirlərin davamıdır.
Bu xəbər üçün şərh yazın