Füzuli rayonunda Vətən Müharibəsi şəhidlərinin övladları üçün Novruz bayramı münasibəti ilə tədbir keçirilib - FOTOLAR
Bu gün Füzuli rayonu İcra Hakimiyyətinin təşkilatçılığı, “Beyləqan Gənclərinin Maarifləndirməsi və Sosial İnkişafı” İctimai birliyinin təşəbbüsü ilə Füzuli Dövlət Dram Teatırında Vətən Müharibəsi şəhidlərinin övladları üçün Novruz bayramı münasibəti ilə tədbir keçirilib.
Faktinfo.az xəbər verir ki, tədbirdə Füzuli rayon İcra Hakimiyyətinin başçısı Alı Alıyev, Füzuli rayon İcra Hakimiyyətinin nümayəndələri, Füzuli rayon Gənclər və İdman idarəsinin əməkdaşları, ”Etika akademiyyası” nın Qarabağ üzrə nümayəndəsi və Şəhid ailələri iştirak edib.
Tədbirin açılışını Füzuli Dövlət Dram Teatırının direktoru Vaqif Vəliyev edərək, Torpaqlarımızın azadlığı uğurunda canlarından keçən şəhidlərimizin xatirəsi bir dəqiqəlik sükutla yad edilib. Füzuli rayon İcra başçısı Alı Alıyev çıxış edərək şəhidlərimizin qəhrəmanlıqlarından söz açıb. Şəhidlərimizin şərəfli ömür yolu və qəhrəmanlıqları gələcək nəsillər üçün əsl vətənpərvərlik nümunəsi olduğunu xüsusilə vurğulayıb. Tədbirin gedişatında ədəbi-bədii kompazisiya nümayiş olundu. Sonda Şəhidlərimizin övladlarına hədiyələr təqdim olundu və tədbir çay süfrəsi ilə yekunlaşıb.
Bu xəbər üçün şərh yazın