İstanbuldakı kilsədə terror törədənlər Rusiya və Tacikistan vətəndaşlarıdır - nazir açıqlama verdi - VİDEO

Faktinfo.az Hurriyyet.az-a istinadən  xəbər verir ki, Türkiyənin daxili işlər naziri Ali Yerlikaya jurnalistlərə açıqlamasında yanvarın 28-də, istanbuldakı katolik kilsəsində törədilmiş terror aktı ilə bağlı ümumilikdə 47 nəfər şübhəlinin həbs edildiyini, hücum edən iki şəxsin Rusiya və Tacikistan vətəndaşları olduğunu bəyan edib.

Nazir deyib: "Kilsəyə silahlı hücumla bağlı təhqiqat çərçivəsində 30 ünvanda əməliyyat aparılıb, İŞİD terror təşkilatı ilə əlaqədə şübhəli bilinən 47 nəfər, o cümlədən teroru aktını törədənlər - bir bir nəfər Rusiya vətəndaşı ilə bir nəfər Tacikistan vətəndaşı saxlanılıb". O, ötən ilin iyunundan bəri İŞİD-ə qarşı 46 əməliyyatın keçirildiyini də söyləyib.

Bəlli olduğu kimi, yanvarın 28-də, yerli vaxtla saat 11.40-da, İstanbul şəhərinin Sarıyer rayonunda yerləşən Santa-Mariya (Müqəddəs Məryəm) katolik kilsəsində dini ayin zamanı məbədə gələnlərə hücum edilib. Atəş nəticəsində bir nəfər Türkiyə vətəndaşı - 1972-ci il təvəllüdlü Tuncer Cihan həlak olub.

"Röyter" agentliyinin verdiyi xəbərə görə, İŞİD terror təşkilatı İstanbuldakı kilsəyə hücuma görə məsuliyyəti öz üzərinə götürdüyünü bəyan edib.