Kadırov Makrona görə Peskovla mübahisə etdi 

Buna səbəb çeçen siyasətçinin özünün Teleqram kanalında Fransa prezidentini sərt şəkildə tənqid etməsi olub.

Belə ki, Dmitri Peskov ad çəkmədən, lakin Ramzan Kadırovu nəzərdə tutaraq ölkənin xarici siyasətinin regionların rəhbərləri tərəfindən deyil, yalnız prezident tərəfindən müəyyənləşdirildiyini söyləyib. Bununla mətbuat xidmətinin rəhbəri R.Kadırovun Emmanuel Makronu “terrorizm lideri” adlandırmasından narazılığını ifadə edib.

Kadırov Rusiyanın xarici siyasətinin federal subyektlərin başçılarının səlahiyyətində olmadığı fikri ilə razılaşdığını qəbul edərək, ona bu barədə hansısa dərs keçməyə ehtiyac olmadığını bildirib.

“Bu mövqeyimə görə, əgər lazımdırsa, vəzifəmi tərk etməyə, əziyyət çəkməyə və həyatımı verməyə hazıram!”, - deyə R.Kadırov bildirib.

Onun sözlərinə görə, Fransa prezidentini tənqid edərkən siyasətçi kimi deyil, öz dinini sevən müsəlman kimi davranıb./Musavat.com