Kim xoşuna gəlir, İTV onu efirə çıxarır
Hər kəsin bayramını təbrik edirəm, qarşıdan gələn ilin uğurlu olmasını arzu edirəm.
Bunu deputat Siyavuş Novruzov Milli Məclisdə İctimai Televiziya və Radio Yayımları Şirkəti Yayım Şurasının tərkibində dəyişiklik edilməsi haqqında Milli Məclisin qərar layihəsinə dair müzakirələr zamanı deyib.
O, həmçinin bildirib ki, Azərbaycan Prezidentinin qərarı ilə özəl televiziyaların inkişafı üçün maliyyə ayırıb:
“İctimai Televiziya dövlət büdcəsindən maliyyələşir. Amma kim xoşuna gəlir, onu efirə verir, kim xoşuna gəlmir, vermir. Buradakılar ictimaiyyətin nümayəndələridir.
Debatlarda eyni adamları həm beynəlxalq hüquq, həm siyasi əlaqələr, həm də doğum və digər mövzularda müzakirələrə dəvət edirlər. Beləcə cəmiyyətə çaşdırıcı məlumatlar verilir.
Zamanında ümumilli liderin Qarabağ siyasətinə etiraz edən adamlar indi orada özünə yerinə tapıb. Bununla yanaşı bu insanlar uzun illər Ümumilli lider və Prezidentin apardığı siyasətə qarşı addımlar atıblar. Mən hesab edirəm ki, bu məqamlara diqqət ayrılmalıdır. Hər bir təbəqənin İctimai Televiziyada yerinin olması vacibdir. Televiziya bu məqama fikir verməlidir”.
Bu xəbər üçün şərh yazın