Koronavirus xəstələri və tibbi personal zəhərlərnib - "Atletlər Kəndi"ndə nə baş verib?
"Bir neçə gün əvvəl "Atletlər Kəndi”ndəki karantin mərkəzində və koronavirus xəstələrinin müalicə aldığı bir neçə xəstəxanada baş verən zəhərlənmə olayı ilə bağlı müvafiq qurumlarda araşdırma aparılır”.
Bu sözləri gununsesi.info-ya açıqlamasında Tibbi Ərazilərin İdarəetmə Birliyinin (TƏBİB) mətbuat katibi Elnarə Baxışlı bildirib.
Xatırladaq ki, adıçəkilən ünvanda koronavirus xəstələri və tibbi personal zəhərlənib. Onların gündəlik qida təminatını ”’Fresh Catering”’ MMC şirkəti həyata keçirib. Şirkət indiyədək Bakıda təşkil olunan beynəlxalq idman yarışlarının iştirakçılarını da qida ilə təmin edib.
Zəhərlənmə olayından sonra bu şirkətlə müqaviləyə xitam verilib-verilməməsinə gəlincə, TƏBİB sözcüsü konkret fikir səsləndirməyib. O qeyd edib ki, araşdırmanın nəticəsinə uyğun olaraq, qərar veriləcək.
”Fresh Catering”in internet səhifəsində əlaqə üçün qeyd olunan telefonlara davamlı zənglər cavabsız qalıb.
Birinci məlumatlanmaq üçün facebook səhifəmizi
Bu xəbər üçün şərh yazın