“Layt” və “Klassik” versiyaları üzrə yığmamız toplamda 9 qızıl medal qazanıb- Azər Həsənov - FOTO

Yarışlar Universal Döyüş növünün “Layt”, “Klassik” və “Peşəkar” versiyaları üzrə təşkil olunub. Dünya çempionatında Universal Döyüş idman növü üzrə Azərbaycan yığma komandası 32 nəfərlik heyətlə 4 yaş qrupunda ölkəmizi təmsil edib. Azərbaycan Universal Döyüş Federasiyasından (UDF) aldığımız məlumatda deyilir ki, həvəskarlar arasında, “Layt” və “Klassik” versiyaları üzrə yığmamız toplamda 9 qızıl, 12 gümüş və 16 bürünc medal qazanıb. Peşəkarlar arasında keçirilən yarışlara isə iki idmançımız qatılaraq yüksək nəticə əldə edib. Belə ki, idmançılarımızdan biri qızıl, digəri isə gümüş medal qazanıb.

Faktinfo.az xəbər verir ki,bu fikirləri mətbuata açıqlamasında Azərbaycan Universal Döyüş Federasiyasının prezidenti, Əməkdar Məşqçi Azər Həsənov bildirib.Əməkdar Məşqçi idmançılarımızın əldə etdiyi nəticələrdən razı qaldığını bildirib,bu nəticələrin  son olmadığını vurğulayıb və gələcəkdə də daha yüksək nailiyyətlərə imza atmaq iqtidarında olduqlarını,böyük səylə çalışacaqlarını bildirib.