Manaf Ağayevə qarşı növbəti təxribat,yoxsa maqazin jurnalistikasının daha bir naşılığı?- Bunun ciddi jurnalistikaya aidiyyatı...

Pisi də odur ki,baş verən bu məsələdə jurnalistlə bərabər, həm də ümumi  jurnalistikanı qınayan, instagram və sosial şəbəkələrdə “jurnalistlər də ağını çıxarıb” şərhini  yazanlar da var. Bu fikir isə məcburiyyət yaradır ki, məsələyə münasibət bildirəsən.

Beləliklə, kadrlardan görünür ki,müğənninin maşınına əyləşən  jurnalist “bardaçok”u açmağa çalışır. Süjetdən göründüyü kimi,Manaf Ağayev əvvəlcə sakit şəkildə xahiş edir ki,”bardaçok”açılmasın, şou-maqazin müxbirinin cəhdlərini davam etdirməsini gördükdə bu dəfə kəskin şəkildə etirazını bildirir,məqbul bildiyi bir şəkildə onun qolundan tutaraq maşından bayıra tullayır.Bunu özü  üçün  haqq  edən, amma  Manafdan gözləməyən jurnalist hələ bir “Manaf ,bu nə hörmətsizlikdi”-deyə haray-həşir salır, “hərəkətinə” bəraət  qazandırmaq istəyir. Bu mənzərəni seyr etdikdə  ciddi jurnalistika ilə məşğul olan  istənilən  şəxsi xəcalət hissi bürüyür. Jurnalistikamız  bu qədərmi cılızlaşıb,maqazin jurnalistikası beləmi olmalıdır?Axı,hər şeyin bir əndazəsi var.Bu millətin ümumi mənafeyi naminə bütün əziyyətlərə  və iztirablara qatlaşan ciddi jurnalistlərimiz niyə maqazin jurnalistikasına görə utanc hissi keçirtməlidi?

“Bardaçok”-gizli saxlanc yeridir.Əks təqdirdə “bardaçok”un qapağını bağlamaq üçün açar lazımsız hesab olunardı.Maşın sahibinin icazəsi olmadan kiminsə oraya “burnunu soxması”,hələ üstəlik də çəkiliş apararaq,orada gördüklərini  bütün xalqa nümayiş etdirməyə cəhd göstərməsi,əlbəttə ki,yolverilməzdir.Bəlkə də, Manafa qarşı bir təxribatdı .Belə çıxır ki,kimsə səni adam yerinə qoyub,evinə qonaq çağırırsa,sən zorla onun yataq otağına soxulub çəkiliş aparmaq istəyəcəksən ?

Manaf Ağayev hər halda  möhürünü vurmuş sənət adamı,tanınan şəxs olmaqdan öncə insandı,bir Azərbaycan kişisidi.Bəlkə o,”bardaçok”a ailə üzvülərinə və yaxud özünə aid  nəsə alıb,qoyub.Ay müxbir, axı sən hansı ixtiyarla bu cür hərəkət edirsən ? Məgər başa düşmürsənmi  ki,bu hərəkətinlə jurnalistləri xalqın gözündən salırsan? Axı,xalqımızın müəyyən kəsimi  hələ də  jurnalistlərimizin hansı etaplara bölündüyünü ayırd etməkdə çətinlik çəkir, hamıya eyni gözlə baxır.

O kadrları izləyən hər kəs,heç  şübhəsiz ki, səni qınayacaq,sənə ikrah hissi ilə yanaşacaq,bu da əsl jurnalistlər haqqında pis bir təsəvvür yaradır. Bu fikirləri yazmaqla biz heç də Manaf Ağayevi müdafiə etmək ,onun tərəfini saxlamaq məqsədi güdmürük. Əslində  onun bizim dəstəyimizə ehtiyacı da yoxdu. M.Ağayev onsuz da sənətkar,xeyirxah və mərd bir insan kimi çoxdan əksəriyyətin sevgisini qazanıb.

Bəlkə də, bu və ya digər səbəblərə görə, bəzi  bədxahlar M.Ağayevi  nə yolla olursa- olsun nüfuzdan salmağa çalışırlar.Elə bir müddət əvvəl müğənni Mətanət Əsədova ilə bağlı məlum qalmaqallı videoya sərt mövqe sərgiləməsinə  görə də M.Ağayevi hədəfə almağa cəhd göstərənlər vardı.

 Friddun Oruc

Faktinfo.az