"Mən heç bir şəxslə əlbir olub qanunsuz tikintiyə şərait yaratmamışam"- Ağstafa Rayon Aşağı Kəsəmən kənd icra nümayəndəsi
Mən heç bir şəxslə əlbir olub qanunsuz tikintiyə şərait yaratmamışam. Haqqımda yazılan fikirlər əsassızdır , məhkəmə predmetidir.Lazım gələrsə aparılan qanunsuz tikintinin dayandırılmasına dair rəsmi xəbərdarlıq sənədini aidiyyatı orqana təqdim edə bilərəm.
Bu fikirləri Yeniavaz.com -un yaydığı "İcra başçısı həbs olunan rayonda daha bir qanunsuzluq-Rəsmi açıqlama" başlıqlı məqaləyə Faktinfo.az saytının sorğusuna cavab olaraq kənd icra nümayəndəsi bildirib.
Ağstafa rayon Aşağı Kəsəmən kəndinin icra nümayəndəsi Pərviz İsmayılzadə haqqında yazılanların yanlış olduğunu, qanunvericilik baxımından kənddə aparılan tikintiyə icazə verilməsinin onun səlahiyyətində olmadığını da bildirdi.Həmçinin o,tikintinin qanunsuz aparılmasına dair KİV-ə Ağstafa Rayon İcra Hakimiyyəti Memarlıq və Tikinti Şöbəsinin müdiri Sənan Mustafayevin də danışdığını vurğuladı.
Qeyd edək ki, bir neçə gün əvvəl Ağstafa rayonu Aşağı Kəsəmən kəndinin sakinləri adından , kəndin mərkəzi parkında qanunsuz obyekt tikilməsinə etiraz əlaməti olaraq xəbər yayılıb.
Faktinfo.az
Bu xəbər üçün şərh yazın