Milli Kitabxanada “Şair, publisist Məstan Günər – 90” adlı kitab sərgisi açılıb 

Sərgidə şairin əsərləri, ön söz yazdığı, redaktoru olduğu kitablar, həyat və yaradıcılığı haqqında ədəbiyyatlar nümayiş olunur.

XX yüzilliyin ikinci yarısında uşaq ədəbiyyatına töhfə vermiş şair, publisist, Dövlət mükafatı laureatı Məstan Rəsul oğlu Əliyev (Günər) 25 iyul 1935-ci ildə Tovuz rayonunun Əsrik Cırdaxan kəndində dünyaya göz açıb. Uşaqlıq və gənclik dövrü qanlı-qadalı illərə təsadüf edir.

Tovuz şəhərində orta məktəbi bitirdikdən sonra, 1953-1957-ci illərdə APİ-nin Azərbaycan dili və ədəbiyyatı fakültəsində təhsil alıb.

İlk şerləri "Sosializm kəndi" rayon qəzetində dərc olunub. Lakin respublika mətbuatına 1955-ci ildə "Ədəbiyyat və incəsənət" qəzetində çap etdirdiyi "İsti köynək", "Körpü" şerləri ilə çıxıb. Onun ilk qələm təcrübələri, bir sıra lirik şerləri "Məstan Dəmirçioğlu", "Məstan Əsrikli", "Məstan Məsum" təxəllüsü ilə çap edilib. İlk kitabları "Qartal", "Məsum Əliyev", "Məstan Əliyev", "Məstan" imzaları ilə dərc olunub. Son üç kitabı "Məstan Günər" təxəllüsü ilə nəşr edilib.

Məstan Günər ədəbiyyаtа lirik şеirlərlə gəlib və gеtdikcə uşаq аləminə nüfuz еtməyi bаcаrıb. Şаir uşаqlаrın qəlbinə yоl tаpаraq оnlаrı pоеtik nümunələri ilə əfsunlаyaraq uşаqlаrın sеvimlisinə çеvrilib.

Оnun “Günəbахаn nənə”, “Аğаcdа lеylək”, “Sеl”, “Lоvğа Murtаz”, “Çохbilmiş kеçi”, “Dəcəl dələ, qоrхаq dоvşаn və qоrхmаz küçük”, “Ürəyin nаğılı” kimi pоеmа və nаğıllаrı uşaqların böyük marağına səbəb olub. Məstan Günərin bütün pоеmаlаrındа dоlğun bir mənа vаr.

Faktinfo.az