Soğanın qiyməti qalxacaq- Azərbaycandan Türkiyəyə soğanın idxalına icazə verildi
Türkiyə Respublikasının Kənd Təsərrüfatı və Meşəçilik Nazirliyi tərəfindən digər ölkələrdən soğan idxalının məhdudlaşdırılması ilə bağlı Azərbaycan Respublikasının Qida Təhlükəsizliyi Agentliyinə soğan məhsulunun "Zərərli Risk analizi"nin aparılması istiqamətində məlumat daxil olub.
Agentliyin məlumatına görə, Azərbaycanda becərilən soğanın risk təhlili aparılıb və nəticələr Türkiyəyə göndərilib. Risk təhlilindən sonra, uyğun şərtlər daxilində, Azərbaycandan Türkiyəyə soğanın idxalına icazə verilib. Belə ki, ölkəmizdən Türkiyəyə ixrac olunan soğan Azərbaycan mənşəli olmalı, kartof gövdə nematodu, gövdə nematodu və soğanın ağ çürüməsi zərərli orqanizmlərinə sirayətlənməməlidir.
Bununla əlaqədar, Qida Təhlükəsizliyi Agentliyi sahibkarların nəzərinə çatdırır ki, Türkiyəyə soğan ixrac edərkən bu tələbəri nəzərə alsınlar. İxrac etmək istədikləri soğanın mənşəyinə və fitosanitar təhlükəsizliyinə diqqət yetirsinlər. Əks halda qanunvericiliyə uyğun olaraq müvafiq tədbirlər görüləcək.
Faktinfo.az onu da vurğulayır ki, Azərbaycandan Türkiyəyə geniş miqyaslı soğan ixracı bir müddət sonra bu məhsulun ölkə bazarlarında qıtlığına gətirib çıxara və nəticədə qiymət artımı yarana bilər.
Bu xəbər üçün şərh yazın