Tramp canlı yayımda Bağdadinin necə öldürüldüyünü açıqladı: "Əməliyyatı canlı izlədim, o, 3 uşağı ilə özünü partlatdı"
İŞİD terror təşkilatının lideri Əbubəkr əl Bağdadi oktyabrın 26-da ABŞ xüsusi təyinatlılarının 8 helikopterin iştirakı ilə keçirdiyi gizli bir əməliyyatla öldürülüb.
Bu faktı bu dəqiqələrdə canlı yayımda olan ABŞ prezidenti Donald Tramp təsdiq edib.
O bildirib ki, əməliyyat çox məxfi aparılıb: “Hətta öz hərbi dairələrimizin çoxu bu haqda məlumatsız idi. İndormasiya sızmamasına görə, əməliyyatı çox gizli həyata keçirdik. Yalınız bölgədəki məhdud dairələr məlumatlandırılıb. Türkiyə də məlumatlı idi, onlar yardım etdilər, çox gözəl idilər”.
Tramp bildirib ki, ABŞ xüsusi təyinatlıları İdlibdə əvvəlcə əl-Bağdadinin gizləndiyi yeri aşkar ediblər: “Bağdadi tuneldə üzərində bağladığı bompa ilə özünü və 3 uşağını partlatdı. Bu əməliyyatlı canlı izlədim, film seyr edirmiş kimi idim. Hərbçilərimiz çox möhtəşəm idilər. Onların əməliyyata sağ girib, salamat çıxması önəmli idi. Biz bunu bacardıq”./Strateq.az
Birinci məlumatlanmaq üçün facebook səhifəmizi
Bu xəbər üçün şərh yazın