“Türkiyə S-400 komplekslərini vaxtında alacaq” – Rusiya Baş nazirinin müavini
“Türkiyə ABŞ-ın təhdidlərinə baxmayaraq, Rusiyanın S-400 tipli “Triumf” zenit-raket sistemlərini almaqdan imtina etmir, Rusiya isə müqavilə şərtlərini vaxtında – 2019-cu ildə yerinə yetirəcək”.
TASS xəbər verir ki, bu barədə jurnalistlərə Rusiya Baş nazirinin müavini Yuri Borisov bildirib.
“Hesab edirəm ki, növbəti on ildə “Almaz-Antey”in (S-400 sistemlərini istehsal edir) yüklənmə ilə bağlı problemi olmayacaq. Təkcə ənənəvi tərəfdaşlarımız yox, həm də NATO ölkələri, məsələn, ABŞ-ın bütün təhdidlərinə baxmayaraq, Türkiyə bu müqavilədən imtina etmir. Rəsmi Ankara müqavilədə göstərilən vaxtda – 2019-cu ildə nəzərdə tutulan bütün texnikanı əldə edəcək”, – Y.Borisov deyib.
Qeyd edək ki, daha əvvəl ABŞ Dövlət Departamentindən Rusiyadan S-400 kompleksi alan istənilən ölkəyə qarşı sanksiyalar tətbiq ediləcəyi bildirilib.
Birinci məlumatlanmaq üçün facebook səhifəmizi
Bu xəbər üçün şərh yazın