UTX Krımda Rusiya ordusuna ağır zərbələr endirdi 

Ukrayna Təhlükəsizlik Xidməti (UTX) Rusiya silahlı qüvvələrinin Krımdakı bir neçə mühüm hərbi hədəfinə, o cümlədən üç hərbi gəmiyə, bir qırıcı təyyarəyə və hava hücumundan müdafiə qurğularına zərbə endirib.

Bu barədə UTX mətbuat xidməti məlumat verib.

Məlumatda deyilir ki, Ukrayna Prezidentinin verdiyi tapşırıqları yerinə yetirən UTX-nin “Alfa” bölməsinin hərbçiləri dünən gecə Sevastopoldakı Rusiya Qara Dəniz Donanmasının hərbi dəniz bazasında, eləcə də Krımın Belbek hərbi aerodromunda uğurlu xüsusi əməliyyat keçiriblər.