“Vasif Talıbovun dövründə bir vatsap statusuna görə işdən çıxarıldım” - Xalq artisti
“Naxçıvanda xalq üçün ən qorxulu, ən amansız adam şəxsən Azər Zeynalovun özüdür”.
Bu sözləri BAKU TV-yə açıqlamasında Xalq artisti Həsən Ağasov deyib.
O, 2021-ci ildə paylaşdığı “WhatsApp” statusuna görə işdən azad olunduğunu iddia edib.
O bildirib ki, statusdan sonra mədəniyyət naziri ona öz ərizəsi ilə işdən çıxmalı olduğunu deyib.
“Əvvəl etiraz etsəm də, qohumlarımın təkidi ilə ərizə yazdım və 2021-ci ilin iyunundan işsiz qaldım”, - deyə o əlavə edib.
Xalq artisti qeyd edib ki, onun rol aldığı tamaşaların Naxçıvan televiziyasında yayımına da qadağa qoyulub.
“Bunun da tapşırığını Azər Zeynalov vermişdi. Naxçıvanda bəlkə də xalq üçün ən qorxulu, amansız adam odur”, - deyə aktyor bildirib.
H.Ağasoyun sözlərinə görə, DTX Naxçıvana gəldikdən sonra şikayəti əsasında işə bərpa olunub.
Birinci məlumatlanmaq üçün facebook səhifəmizi
Bu xəbər üçün şərh yazın