“Xəzər Lənkəran”ın sabiq futbolçusu saxlanıldı –Səbəb 

Bu barədə məlumatı Moldova Milli Korrupsiyaya Qarşı Mübarizə Mərkəzi yayıb.

Onlar altı ay ərzində oyun alqı-satqısından 600 min avro almaqda şübhəli bilinir.

 “Futbol sahəsində çalışan 11 nəfər idman tədbirlərinin manipulyasiyasında ittiham edilir. Söhbət ölkədəki futbol klublarının direktorlarından, özəl idman məktəblərinin direktorlarından həmçinin Milli Divizionun 10 komandasından beşini təmsil edən oyunçulardan gedir” – deyə məlumatda bildirilib.

İstintaq Europol və UEFA nümayəndələri ilə əməkdaşlıqda aparılır. Bu ilin iyul ayında Moldova hüquq-mühafizə orqanlarının əməkdaşları idman klublarının oyunçularının təsirə məruz qaldığı və bunun matçların nəticələrinə təsir göstərməsi barədə məlumat alıblar.

Saxlanılar şəxslərin bəzilərinin adları bəlli olub. Onların arasında “Xəzər Lənkəran” klubunun sabiq futbolçusu Denis Kalinkov da var. O, hazırda “Kodr” komandasının baş məşqçisidir.

Araşdırmaya görə, 2017-ci ildən bəri məşqçilər, idman agentləri, idman klublarının sahibləri və Moldova Futbol Federasiyasının rəhbərliyindən olan insanlar bəzi idmançılarla oyunun nəticəsinə necə təsir göstərmələri barədə razılığa gəliblər. Matçların nəticələri əvvəlcədən bukmekerlərə bildirilib, ən çox Asiyada bukmeker kontorları istifadə edilib, lakin Avropada idman mərcləri qəbul edən şirkətlərlə əlaqələr də müəyyən edilib/Report.az