Materatsi 17 ildən sonra Zidan tərəfindən niyə vurulduğunu aşıqladı
İtaliya millisinin sabiq futbolçusu Marko Materatsi futbol üzrə 2006-cı il dünya çempionatının finalında Fransa millisinin kapitanı Zinəddin Zidanla aralarında yaşanan insident barədə danışıb.
Faktinfo.az Oxu.az-a istinadən xəbər verir ki, 49 yaşlı keçmiş müdafiəçi 17 il sonra həmin zaman fransalıya nələr söylədiyini açıqlayıb.
“Zidan qol vurduqdan sonra onu bağlamaq vəzifəsi mənə tapşırıldı. İki qayda pozuntusuna görə ondan üzr istədim. Ancaq Zidan mənə pis cavab verdi. Üçüncü dəfə qarşı-qarşıya gəldikdə artıq əsəbiləşmişdim. Zidan lağ edərək oyundan sonra mənə formasını verəcəyini söylədi. Mən də ona formanın əvəzinə bacısını istədiyimi dedim”.
Xatırladaq ki, final matçının əlavə vaxtının 20-ci dəqiqəsində Zidan Materatsini başla vurduğu üçün birbaşa qırmızı vərəqə ilə meydandan qovulub. Əsas və əlavə vaxtı 1:1 hesabı ilə başa çatan qarşılaşmanın qalibi penaltilər seriyasında (5:3) italyanlar olublar.
Birinci məlumatlanmaq üçün facebook səhifəmizi
Bu xəbər üçün şərh yazın