Qeysəriyyə əməliyyatları fəsadlara yol açır-

Qeysəriyyə əməliyyatları fəsadlara yol açır- DST həyəcan təbili çalır

Ümumdünya Səhiyyə Təşkilatı (ÜST) dekabrın 13-də bildirib ki, Cənub-Şərqi Avropanın bəzi ölkələrində son iyirmi ildə doğuşlarda qeysər kəsiyi cərrahiyyə əməliyyatından istifadə kəskin artıb və “epdemiya” miqyasını alıb.

Faktinfo.az Azadlıq Radiosuna istinadən bildirir ki, ÜST-nin dekabrın 13-14-ü Tbilisdə keçirilən regional konfransında təşkilatın Avropa Regionunda lüzumsuz qeysər kəsiyi əməliyyatlarının azaldılması yolları müzakirə olunub.

2000-2015-ci illər arasında Şimali Avropada qeysər kəsiyi əməliyyatlarının doğuşlardakı faizi 20-dən çox olmayıb və əsasən sabit qalıb. Lakin Cənub-Şərqi Avropanın bir neçə ölkəsində belə doğuşların sayı az qala 50 faizi keçib.

DST Avropa Regional İdarəsində cinsi ve reproduktiv, ana və çağa proqramının rəhbəri doktor Nino Berdzuli deyib ki, qadınlar tibbi ehtiyacdan qaynaqlanmayan qeysər kəsiyi əməliyyatlarına getməklə özlərinin və uşağın həyatını riskə ata bilərlər.

Qeysər kəsiyi əməliyyatından bir qayda olaraq doğuş zamanı çətinliklər yaranarkən istifadə olunur.

Buna baxmayaraq ÜST bildirir ki, qeysər kəsiyi ilə doğuşların payı 10 faizi keçdikdən sonra belə əməliyyatların ümumi doğuş statistikasında ana və körpə ölümü faizini azaltdığını söyləmək olmur.

Əksinə cərrahiyyə əməliyyatı doğuş üçün mürəkkəblik yarada bilər. Analar üçün belə doğuşların neqativ nəticələri özünü gələcək hamiləliklər vaxtı büruzə verir. Bunlar qaydasız erkən doğuş, uşaqlığın yırtılması, anormal plasentasiyadır ki, bu da analarda aşırı qanaxmalara səbəb ola bilər. Ağırlaşdırıcı hallarda bu, histerektomiya və ya uşaqlığın amputasiyası ilə nəticələnir.

Qeysər kəsiyi ilə doğulmuş uşaqların neonatal reanimasiyaya düşməsi riski daha böyükdür. Bəzi tibbi məlumatlara görə belə uşaqlarda sonrakı illərdə astma və piylənmə kimi hallar qeydə alına bilər.

Birinci məlumatlanmaq üçün facebook səhifəmizi